Despois de días enteiros de chuvias e treboadas, o alumnado de 5° de Primaria puido ir coa súa mestra ao horto escolar.
Observaron o crecemento das hortalizas e plantaron patacas. Amais de escoitar con moita atención as explicacións de Manolo, de “Sachos á rúa”.
É o momento ideal para sementar “patacas de cedo”. Johanna e Manolo ensináronlle ao noso alumnado os aspectos a ter en conta para que a produción de patacas sexa exitosa.
Moitas grazas!
O horto escolar comezou o ano co alumnado de 4° de Primaria.
Os nenos e nenas deste curso recolectaron brócoli e plantaron patacas. Tamén descubriron a importancia das plantas polinizadoras nos cultivos, como as caléndulas.
O alumnado de 3º EP quer poñer en práctica a reprodución das plantas con flor que están a estudar en Ciencias da Natureza así que puxéronse mans á obra para crear un pequeno bosque de aguacates!
O alumnado de 3º baixou ao horto para recoller as cenorias. Ademais aproveitaron para preparar a terra e plantar uns alliños!
E ata aquí o traballo no horto de este ano, despois das vacacións volveremos a a botarlle mans á terra.
Que pasedes un bo Nadal!!!
O alumnado de 5º achegouse ao horto da escola para sementar chícharos coa axuda de Manolo. Bo traballo, rapazada!
Brócoli, repolo, nabizas, cebolo e cenorias. Cantas variedades de col e hortalizas temos no horto escolar do cole!!
Hoxe compartimos imaxes do día no que plantaron os nenos e nenas de 6° de Primaria.
A pasada semana tivemos a visita de María Luísa, unha barbantesa (mantis relixiosa) moi cuquiña. O alumnado aproveitou a súa visita para investigar cousas sobre os invertebrados e, como non podía ser doutro xeito, facerlle algún que outro bonito retrato.
Os nenos e nenas de 4 ° de Primaria usaron botes de vidro reciclados para facer manualidades de Halloween e Samaín.
O alumnado de 1° de Primaria escoita, con atención, as explicacións de Manolo e Johanna sobre a preparación da terra para sementar brócoli. Tamén toman nota do valor nutritivo desta hortaliza formada por poliñas carnosas con forma de árbore.
