Moi boas, como estades?? Aquí vos deixo un recurso para traballar aspectos relacionados coa saúde: actividades física, alimentación e hidratación e, por suposto, hixiene. Está orientado para o alumnado de 3º e 4º de Ed. Primaria.
Espero que sexa do voso agrado! Un saúdo!!
Os días de mal tempo, aproveitamos para facer algúns ‘deportes adaptados’ onde vivenciamos o que é practicar deportes con movilidade reducida.
Como estes deportes os facemos a rás de chan, todos levan o apelido de: ‘rascacú’. Deste xeito temos:
O Balonmán Rascacú: Unha variante do balonmán onde todos os xogadores deben estar co cú pegado ao chan, excepto o porteiro que pode estar de xeonllos. Este deporte foi inventado polo mestre Ventura Mariño na década dos 80 e foi o xerme para os seguintes deportes que pasamos a comentar.
O Cestomóbil Rascacú: Unha variante do cestomóbil onde os xogadores depen ter o cú pegado ao chan excepto os que aguantan do aro que están sentados un banco.
O Voleibol Rascacú: Variante do voleibol que se xoga co cú pegado ao chan, a rede están algo máis baixa do normal e xógase con balón de praia ou globos, en función da idade dos participantes.
O Ultimate Rascacú: Unha variante do ultimate que se xoga ao rás de chan e utilízase un frisbee de foam para practicalo.
O RingoRed Rascacú: Variante do ringored que se xoga co cú pegado ao chan, a rede están algo máis baixa do normal e xógase con anelas.
Os rapaces e rapazas de cuarto curso van traballar, durante esta segunda avaliación, outro deporte alterativo de ‘cancha dividida’ que se xoga con un ‘Ringo’ (aro) e que consiste en conseguir que este caia no chan do equipo contrario para facer tanto.
Pódese agarrar, introducir algunha parte do corpo por el, pasar, lanzar,…
Como ben sabedes as alumnas e os alumnos de 4º Curso estiveron a traballar no Cestomóbil, un deporte alternativo que consiste en encestar unha pelota dentro dun aro que está agarrado por un compañeiro/a, podendo axudar a que a canastra se leve a cabo.
Custou arrancar ao principio, pero ao final collémoslle o tranganillo e chegamos a practicalo de maneira efectiva.
Grazas pola vosa implicación.
Este curso, os rapaces e rapazas de 4º de EP van a practicar Cestomóbil no primeiro trimestre.
O Cestomóbil é un xogo deportivo alternativo (novidoso) que se practica con un balón de goma que ten que ser introducido nun cesto que aguanta un compañeiro/a. Isto implica que o obxectivo (o cesto neste caso) non está fixo nun sitio. De aí que a colaboración entre o que lanza e o que suxeita o cesto é moi importante. Asemade, os pases entre compañeiros/as son imprescindibles para acadar o obxectivo do xogo
Aquí vos deixo os resultados das probas de condición física que fixemos a principio de curso. Teño que recordarvos, unha vez máis, que a finalidade destas probas é a de comprobar o voso nivel de desenvolvemento das capacidades físicas básicas e poder ver a evolución das mesmas cando repitamos as probas ao final de curso. En ningún caso a nota da asignatura vai depender destas probas, e tampouco se vos vai a comparar con ninguén. Só competides con vós mesmos para ser, cada día mellores persoas e deportistas.
Arrancamos o curso!! Moitos ánimos!!
Curso 4º EP
Curso 5º EP
Curso 6º EP
(Fotografía por bIeNo)
Dende esta semana estamos a facer as probas de condición física de principio de curso, ¿para que?… pois para saber como andan as nosas capacidades físicas e para poder comparar todos os datas coas probas que fagamos a final de curso e así saber canto melloraron ou empeoraron. Asemade así poderemos tratar de mellorarnos a nós mesmos, que vos parece?
Para medir as Capacidades Físicas Básicas (Forza, Velocidade, Resistencia e Flexibilidade) utilizamos test estándares que circulan polas publicacións especializadas en adestramento deportivo, condición física e Educación Física. Algúns están baseados en probas de baterías de test como Eurofit ou similares e outros son invención nosa.
Se ques saber máis sobres estas probas fai <clic aquí>.