Na área de Educación Física confeccionamos unha serie de materias reutilizando obxectos que ían para o lixo, para poder usalos despois en varios xogos dentro da clase. En concreto fixemos catro tipos de materiais: bolos, receptáculos e pompóns e bolas de malabares.

O alumnado que participou nesta experiencia foron as rapazas e rapaces de 1º, 2º e 3º de Ed. Primaria. Cada un dos cursos elaborou un material que compartiron para poder practicar todos os xogos.

CONFECCIÓN DO MATERIAL

Os pompóns, así como as bolas de malabares, foron confeccionados polo alumnado de 3º de Ed. Primaria. Para isto reutilizamos camisetas vellas, coas que preparamos unha especie de fío chamado ‘trapillo’. Os pasos a seguir son moi sinxelos:

Para os pompóns:

1. Cortamos as camisetas en tiras finas para confeccionar fío.
2. Enrollamos o trapillo na man, canto máis trapillo, máis gordo quedará o noso
   pompón.
3. Sacamos o rollo daman, sen desfacelo, e atámolo pola metade.
4. Cortamos os extremos do fío, coidadosamente, para que non se nos pase ningún.
5. Coas man imos dándolle forma e coas tesoiras repasamos as puntas do fío para
   que ningún sobresaia máis que os outros.

Para as bolas:

1. Cortamos as camisetas en tiras finas para confeccionar fío.
2. Enrollamos o trapillo pouco a pouco facendo unha pequena boliña.
3. Seguimos a enrollar o trapillo para facer medrar a bola. Importante que quede ben
   apretado.
4. Por último fixamos a punta do trapillo que nos queda entre o que xa está enrollado
   na bola.

PROPOSTA DE XOGOS CO MATERIAL ELABORADO
A continuación, amosamos unha proposta de varios xogos que se poden levar a cabo con estes obxectos feitos con material de refugallo.

Aproveitamos os pompóns para facer unha iniciación aos malabares seguindo os seguintes pasos:

Con un pompón:

1. Lanzarcunhamanerecollercoamesma.Variante:cambiodeman.
2. Lanzamos cunha man e recollemos coa outra. Variante: diferentes tipos de
   lanzamentos (por debaixo do brazo, das pernas, por detrás da cabeza,…)

Con dous pompóns:

1. Lanzar cunha man e recoller coa mesma. O outro pompón non se lanza ao aire pero acompáñase coa man seguindo a dirección do que se lanza. Variante: cambio de man.
2. Lanzamos un pompón cunha man e o outro coa outra. Recollemos cada pompón coa man que se lanzou. Variantes: de xeito simultáneo ou alternativo.
3. Lanzamos un pompón cunha man para recollelo coa outra. Mentres o primeiro pompón está no aire, pasamos o segundo pompón de man en man. Variante: cambiar a dirección dos pompóns.
4. Lanzamos un pompón cunha man para recollelo coa outra. Mentres o primeiro pompón está no aire, pasamos o segundo pompón polo aire de unha a outra man. Variantes: Cambiar a dirección dos pompóns. Ir incrementando a fase de voo do segundo pompón.
5. Lanzamos e recollemos dous pompóns coa mesma man de xeito que cando un está chegando arriba de todo da súa traxectoria, lanzamos o seguinte.

Con tres pompóns:

1. Lanzamos e recollemos dous pompóns coa mesma man de xeito que cando un está chegando arriba de todo da súa traxectoria, lanzamos o seguinte. O terceiro pompón non se lanza ao aire pero acompáñase coa man seguindo a dirección dos que se lanzan. Variante: cambio de man.
2. Comezamos con dous pompóns nunha man e un na outra. Imos a lanzar os pompóns de forma que describan un “ X ” comezando pola man que ten dous pompóns na man e seguindo de xeito alternativo. Variante: comezamos cos dous pompóns na outra man.
3. Comezamos con dous pompóns nunha man e un na outra. Imos a lanzar os pompóns de forma que describan un “ O ” comezando pola man que ten dous pompóns na man e seguindo de xeito alternativo. Variante: cambio de dirección.