As pelotas de tenis dan moito xogo. Despois da súa vida como parte importante nos adestramentos e partidos deste deporte, veñen para o noso cole e axúdannos na práctica da actividades física. Coordinación óculo-manual e óculo-pédica, lanzamentos, recepcións, botes, rebotes,…
Implementos divertidos que nos axudan coa coordinación óculo-manual. Lanzamentos, recepcións, golpeos, equilibrios,… un ‘todo nun’ cun material moi accesible.
As picas veñen sendo un paus longos de plástico. En principio non teñen moito máis atractivo pero, se deixamos voar a nosa imaxinación podemos practicar un montón xogos divertidos.
Os balóns de fitnes son un gran aliciente para correr, lanzar, saltar e facer equilibrios. Estamos desexando voltar a xogar con eles.
Cordas para saltar, para facer equilibrios, para marcar espazos, para escalar… Un material moi versátil que nos gusta moito utilizar.
Aros grandes, aros pequenos, de cores e grosores distintos,… dan moito de si. Podemos utilizalos para marcar espazos, para lanzar, para facelos xirar, para encestar, para facer puntería, podemos utilizalos como frisbee, podemos rodalos,…, poden ser obxectos distintos (volantes, chapeus,…)… Ahh!! e tamén se poden utilizar como ‘hula hops’!!!
Cos máis pequenos do cole traballamos, acotío, as habilidades motrices tendo como centro de interese un material diferente cada sesión. Con el levamos a cabo diferentes xogos de desprazamentos, saltos, xiros, manipulacións,…, deixando sempre un anaco de sesión para que eles mesmos desenvolvan a súa imaxinación inventando algún xogo.
O material non é imprescindible, de feito hai sesión que se levan a cabo sen material, pero sempre é un elemento motivador.