O traballo con implementos nas idades máis temperás axudan a desenvolver a coordinación, as capacidades manipulativas, a lateralidade,…
En educación física utilizamos varios tipos de implementos, pero os ‘sticks’ son uns dos máis motivadores para o alumnado.
Para mostra, un botón.
Os días de mal tempo, aproveitamos para facer algúns ‘deportes adaptados’ onde vivenciamos o que é practicar deportes con movilidade reducida.
Como estes deportes os facemos a rás de chan, todos levan o apelido de: ‘rascacú’. Deste xeito temos:
O Balonmán Rascacú: Unha variante do balonmán onde todos os xogadores deben estar co cú pegado ao chan, excepto o porteiro que pode estar de xeonllos. Este deporte foi inventado polo mestre Ventura Mariño na década dos 80 e foi o xerme para os seguintes deportes que pasamos a comentar.
O Cestomóbil Rascacú: Unha variante do cestomóbil onde os xogadores depen ter o cú pegado ao chan excepto os que aguantan do aro que están sentados un banco.
O Voleibol Rascacú: Variante do voleibol que se xoga co cú pegado ao chan, a rede están algo máis baixa do normal e xógase con balón de praia ou globos, en función da idade dos participantes.
O Ultimate Rascacú: Unha variante do ultimate que se xoga ao rás de chan e utilízase un frisbee de foam para practicalo.
O RingoRed Rascacú: Variante do ringored que se xoga co cú pegado ao chan, a rede están algo máis baixa do normal e xógase con anelas.
Aquí vos deixamos unhas instatáneas de algúns dos xogos que facemos, de cando en vez, co noso paracaídas.
Todo un mundo de cor e alegría!
Un material económico á par que divertido. Desprazamentos, saltos, xiros, manipulacións, coordinación dinámico xeral, coordinación óculomanual,…, e moito máis con un pouco de imaxinación!!
Quen non xogou nunca cun disco voador? Estas rapazas e rapaces aprenden diferentes formas de lanzamentos, practican pases e recepcoóns e afinan a súa puntería.
Toda unha experiencia!!
Hai que ver o ben que o pasaron coas pelotas ‘boti-boti’. Ei de dicir que algúns alumnos e algunhas alumnas eran todas unhas expertas no manexo deste material, pero que outras e outros nunca tiveran a sorte de probalo.
Foi unha experiencia moi satisfactoria!
Xogar ‘ao pano’ non é o único que se pode facer con este material. O outro día estivemos investigando e practicamos un montón de xogos con eles. Foi moi divertido.
Os ladrillos de psicomotricidade desenvolven a imaxinación e a creatividades dos cativos. Eles mesmos atópanlle infinidades de posibilidades para ser utilizados en xogos motrices. Aquí vos deixamos unha pequena mostra.
As colchonetas sempre é un material que da moito xogo, e moi motivador para o alumnado. Aquí vos deixamos unha mostra de algúns dos xogos que facemos con elas.
As pelotas serven para algo máis que practicar os deportes ‘estandarizados’. Nas clases de Educación Física buscámoslle novas utilidades: malabares, frontón, batallas, xogos de carreiras,…
