Bo día!!
Como cada ano por estas datas, dende o Equipo de Dinamización da Lingua Galega, e tratando de fomentar as vellas tradicións, poñemos en marcha o Concurso de Cabazas’23.
O alumnado que queira participar deberá confeccionar unha cabaza na casa coa axuda dos seus familiares e traela ao cole. Hai catro categorías para participar: terrorífica, simpática, tradicional e elaborada. DATAS: 30 e 31 de outubro.
Saúdos!
Moi boas!!
Xa entramos no outono, as noites son máis longas e os días máis curtos. Vento, chove e o frío aínda se resiste a chegar… pero chegará… Todo apunta a que o Samaín estase achegando!!
Unha das actividades que propoñemos este ano é unha RECOLLIDA DE LENDAS. O alumnado que queira participar deberá investigar pola súa contorna a ver quen sabe a mellor lenda, copiala, e traela ao cole. A temática, en principio, é libre.. pero dadas as datas nas que estamos molaba que foran historias de meeedooo!!
As familias de Ed. Infantil que queiran participar poden facelo tamén gravándoa e enviando o arquivo de son a: supercoleondas@gmail.com.
DATA LÍMITE: 27 de outubro.
Todo un novo curso por diante para poder falar, cantar, recitar, conversar, compartir experiencias, e gozar do Galego e co Galego!
E que mellor forma de arrancar esta nova etapa que cunha exposición que estará localizada na praza do Concello de Ribeira con nome “Orgullo da nosa lingua” e durará dende o 18 ata o 24 deste mese que poderá ser vista de xeito libre ou con visitas guiadas!!
Aquí vos deixamos o cartel con toda a info!
