CHEGA O SAMAÍN!

Publicado o por
Responder

Ola a todas e todos!
Xa chegou de novo esa época do ano na que o misterio e a creatividade toman o protagonismo no noso centro. O Samaín está ben vivo entre nós, e durante estas semanas estaremos creando, pintando e decorando con moita ilusión. Temos xa unha chea de propostas fantasmagóricas, e pronto descubriremos…cales serán os cadros máis terroríficos que lograrán arrepiar ata ao máis valente? E as cabazas, que marabilla estades a preparar…! Seguimos gozando das vosas fantásticas creacións e, por suposto, agardamos as vosas novas aportacións.

17 DE MAIO: DÍA DAS LETRAS GALEGAS

Publicado o por
Responder

Como ben sabedes, o pasado sábado 17 de maio conmemorouse o Día das Letras Galegas, adicado ás cantareiras. Para a súa celebración, o alumnado do CEIP de Olveira deleitounos coa interpretación de diversas cancións populares ao ritmo de diferentes instrumentos. Aquí vos deixo algunhas das fotos que se fixeron durante a actuación.

Para ver as actuacións completas, podedes acceder ao Blog da Biblio do CEIP de Olveira.

Asemade, a totalidade de fotos dese día están na Galería da web do CEIP de Olveira.

Por último, no Blog da Radio Supercoleondas están publicadas as propostas realizadas polo alumnado para o Certame das Letras Galegas 2025, onde os peques amosaron a súa arte xunto cos seus seres queridos. Todos os nenos e nenas que participaron recibiron un pequeno agasallo. Parabéns, artistas!

Homenaxe a Rosalía de Castro

Publicado o por
Responder

Aquí podedes escoitar ao alumnado do CEIP de Olveira en Supercoleondas, homenaxeando á autora, contándonos sobre ela e recitando algún dos seus poemas.

Leire e Manuel, de 3º EP, recítannos “Cando a luniña aparece”:

Juan José, Julia e Enzo, de 4º EP, realizan unha entrevista para dar a coñecer á autora:

Victor, Christian, Joel e Lois, de 4º EP, recitan “Adiós ríos, adiós fontes”:

Xiana, Maya, Aldara e Sara de 5º EP, recitan “Negra Sombra”:

E finalmente, Sabela, Diego, Carmen, Lucía e Cris, de 5º EP, recitan “Nasín cando as prantas nasen”:

Noraboa polo traballo, rapazada, grazas por participar!

DÍA DE ROSALÍA

Publicado o por
Responder

O domingo 23 de febreiro celebramos o Día de Rosalía de Castro, quen a través da súa poesía e prosa, deu voz ao pobo galego, denunciando inxustizas e reivindicando a identidade e a lingua de Galicia. Hoxe, no CEIP de Olveira, alumnado de 3º, 4º e 5º de primaria acudiu á radio do cole Supercoleondas para contarnos algunhas cousiñas sobre Rosalía e máis para ler algún dos seus poemas máis coñecidos. Moi pronto poderedes escoitalos!

Retomamos a bitácora!

Publicado o por
Responder

Boas a todos e a todas! Estamos de volta neste ano cheo de celebracións. A primeira deste curso é precisamente o Samaín, que xa leva unhas semaniñas rondando polo centro. Estas son algunhas das actividades que realizamos ata o de agora, e próximamente coñeceremos os gañadores das mesmas…cales serán os monstros máis tenebrosos? E as cabazas? Seguimos desfrutando das vosas creacións!