Os nenos e nenas de 1º de Primaria tomaron amorodos ecolóxicos na merenda.

Deste xeito observaron e completaron todo o proceso dende o inicio. Plantación das sementes,  coidado das mesmas e o seu froito.

As nenas e os nenos de 6º de Infantil sementaron fabas, cabazas e cabaciños no horto escolar. Agora toca regar e coidar as sementes para que medren.

O consumo sostible é posible e necesario.

O alumnado de 5º e 6º de Primaria está elaborando instrumentos musicais con materiais de refugallo. Desta maneira poden ver, de primeira man, que se poden reciclar e volver a usar moitas cousas que van ao lixo. 

Nesta imaxe podemos ver guitarras que soarán de marabilla.

Os nenos e as nenas do CEIP de Olveira plantaron  estes días castiñeiros e sobreiras, coas súas familias,  nun monte preto do cole, en San Pedro de Muros.

Puideron ver e valorar, dun xeito práctico, a importancia de protexer e de coidar os nosos montes.

A actividade foi organizada pola ANPA do cole de Olveira.

Os nenos e nenas de 5º de Primaria plantaron unha oliveira. Agora toca coidala.
Esta árbore é da familia das oleáceas de folla perenne e ten como froito a oliva.
Para medrar agradece recibir sempre luz solar. Non necesita moita auga.

Plantar árbores axuda a combater o cambio climático. Estímase que unha árbore pode absorber case 5 quilos de CO2 ao ano. E liberar 120 quilos de osíxeno.

Os alumnos de 2º, 3º e 4º de Primaria plantaron pereiras e maceiras no patio do cole, árbores froiteiras da familia das rosáceas.

O Día da Árbore é todos os días.

Xa temos amorodos no noso horto escolar!!

Axiña poderemos desfrutar unha sobremesa deliciosa con esta froita chea de fibra, potasio, vitamina C e minerais.

As maceiras son árbores froiteiras que necesitan un chan fértil e unha boa exposición ao sol.

Os nenos e nenas de 5º de Infantil e de 1º de Primaria sementaron maceiras no patio do cole,  coas súas mestras. Despois de colocar as árbores nos furados, encheron con terra e regaron con auga.

Nas novidades da biblioteca do noso cole, o alumnado e as familias poden atopar libros moi interesantes para coidar e protexer o noso entorno natural.

Os nenos e nenas de 6º de Primaria sementaron árbores froiteiras a última semana de marzo no patio do cole.