Os nenos e nenas de 4° de Primaria plantaron un abeto para decoralo, entre todos, con adornos de Nadal.
Esta árbore é da familia das pináceas, propia de lugares frescos, coa casca e a madeira de cor abrancazada, follas en forma de agulla e copa cónica.
Despois das vacacións transplantarase no patio do cole.
Os nenos e nenas de EI 5° e de 2° de Primaria plantaron fabóns e cebolas no horto escolar. Tamén limparon herbas para plantar mais hortalizas.
Preparar ben a terra é algo moi importante para a plantación e o crecemento das sementes. Iso foi o que fixeron os nenos e nenas de 5° de Primaria hai uns días.
O alumnado de 4° e 5° de Primaria participou nunha charla o venres pasado, organizada polo Concello de Ribeira, sobre a prevención de residuos. Escoitaron de primeira man información experta sobre como reducir e tratar o lixo.
Os nenos e nenas de 4° de Primaria tiveron unha clase práctica na aula sobre a composición do solo e a importancia dos microorganismos na plantación.
Sementes de cebola vermella, repolo e chícharos. Isto foi o que sementaron os nenos e nenas de 6° de Infantil, prestando moita atención ás explicacións de Manolo, da “Asociación Sachos á Rúa”.
As hortalizas son plantas cultivadas, xeralmente, nos hortos. Así o puideron ver de primeira man os nenos e nenas de 2° de Primaria. E tamén a importancia do seu coidado xa que acabarán sendo alimentos moi beneficiosos para a nosa saúde.
O alumnado de 3° de Primaria estreouse no horto escolar preparando a terra para plantar repolos e coliflor.
Os nenos e nenas de 1° de Primaria plantan leitugas no horto escolar.
A leituga é unha planta anual que se cultiva para a alimentación. Está moi saborosa en ensaladas e ten moita vitamina K e C.
Volvemos con novos proxectos e retomamos o coidado e a plantación no horto escolar. Nesta imaxe vemos ao alumnado de 6° de Primaria escoitando con atención as explicacións de Manolo e Johanna, da Asociación “Sachos á rúa”, para a limpeza e preparación dun bancal.