Xa agromou o tomatiño primeiro. Os nenos e nenas de 2° de Primaria regaron as tomateiras e observaron o importante que eran o coidado axeitado e a luz solar para o crecemento das plantas e dos seus froitos.

Os nenos e nenas de 5° de Primaria elaborararon carteis publicitarios coa súa titora para fomentar a reciclaxe e hábitos de vida saudábeis.

Xa temos máis arbores froiteiras no patio da nosa escola. Os nenos e nenas de 1° de Primaria plantaron máis pexegueiros coa súa profe. 

Varias das alumnas e alumnos do noso centro foron parte das noticia deste mes no xornal por mor da saída que fixemos este mes ao Parque Natural. Aquí vos deixamos o enlace á noticia e fotos da publicación en papel.

LINK Á NOTICIA

O pasado xoves, o alumnado de 6º e 4° de Primaria e os seus titores participaron na actividade pedagóxica organizada por Voz Natura no Parque Natural de Corrubedo. Equipados con luvas e bolsas  observaron e recolleron plantas invasoras seguindo as indicaciones do técnico do parque.  Deste xeito coñeceron, observaron e coidaron o noso entorno natural, xunto a nenos e nenas doutros coles, dun xeito práctico.

O alumnado de 3º de Primaria planta, rega e coida sementes de xirasoles na área de Art and Crafts. A actividade partiu dun conto traballado e coloreado coa auxiliar de conversa. Os nenos e nenas falaron en inglés do que é necesario para plantar sementes e do importante que é coidar a natureza.

Os nenos e nenas de 2º de Primaria plantaron coa súa titora pexegueiros no horto escolar. Os pexegueiros son árbores froiteiras nativas de China, onde se cultivou por vez primeira. O seu froito é suculento e comestíbel.

Os nenos e nenas de 1º de Primaria preparan a terra para  plantar no horto escolar.

Recibimos este curso un composteiro dende SOGAMA, e aquí está, listo para comezar a funcionar!!

Os nenos e nenas de 3° e 4° de Primaria falaron en inglés coa auxiliar de conversa e coa súa profe das cousas que podemos facer cada día para coidar o noso planeta. Despois en Art and Crafts plasmaron nun mural  todos as propostas.