Moitísimas grazas a toda a comunidade educativa polo traballo realizado durante este curso. Agora toca descansar e coller forzas para o próximo.

Que pasedes un bo verán!

Sobre os coidados do horto escolar e do noso entorno natural falaron en inglés os nenos e nenas de 5 ° e 6° de Primaria coa auxiliar de conversa do noso cole.

O alumnado de 1° de Primaria coida e observa como se alimenta o insecto pau e o seu crecemento.

Axiña teremos peras e mazás.

Ás árbores froiteiras que plantaron os nenos e nenas do cole, cos seus mestres e mestras o curso anterior, seguen medrando

Recolleita das patacas de cedo, plantación de leitugas, pementos e cabaza. Esta rapazada non para!

Quedaron ben xeitosos os instrumentos musicais, feitos con materiais de refugallo,  polo alumnado de 6° de Primaria e as súas familias. Estes mes estarán expostos no cole.

5 de xuño, Día Mundial do Medio Ambiente. 

A nosa terra. O noso futuro.

O alumnado de 4° de Primaria fixo un mural sobre as árbores da nosa terra,  despois de procurar información sobre cada unha delas.

O alumnado de 2° de Primaria saborea e aliméntase cos froitos deliciosos das amorodeiras que plantaron e coidaron durante o curso.

O alumnado do cole de Olveira leva meses plantando hortalizas e legumes, observando e coidando o horto escolar. Nel agroman leitugas, pementos, cenorias, fabas, acelgas, repolos, cebolas e patacas.