Chegou o momento de descansar e gozar das vacacións de verán. Fixestes un traballo incrible coidando da nosa terra, do noso horto e cultivando cada vez máis plantiñas.
Agardámosvos con moitas ganas en setembro para seguir aprendendo e plantando sementes xuntos.
Desfrutade moito!
O coidado ecolóxico da terra, a luz solar e a auga son fundamentais para a plantación e o crecemento axeitado das hortalizas. Así o comprobaron de primeira man os nenos e nenas de 2° P coa súa mestra.
Os nenos e nenas de 4° P fixeron diferentes actividades no horto escolar, como a recolleita das patacas sementadas no mes de marzo.
O alumnado do noso cole segue a celebrar o Día do Medio Ambiente cunha exposición de instrumentos musicais elaborados con materiais reciclados.
A pasada semana o alumnado do CEIP de Olveira achegouse ao “Parque Natural das Dunas de Corrubedo e as Lagoas de Carregal e Vixán” onde asistiron a unha ruta guiada e visitaron o CIELGA e a Casa da Costa para aprender cousas sobre o coidado do medio ambiente.
O alumnado de Proxecto Competencial de 4º de Ed. Primaria reflexiona e voz alta sobre o medio ambiente, as súas inquedanzas e desexos.
Bo traballo, rapazada!!
O alumnado de 3° P plantou, coa súa mestra, semente de tomate amarelo e pementos.
Agora están facendo o seguimento do crecemento e dos coidados.
En abril os nenos e nenas de 5° de Primaria prepararon a terra para plantar caléndulas e plantas de sandía.
Os nenos e nenas de EI 4° plantaron fabas e cabazas na súa aula.
Agora medran e medran á beira da xanela.
No patio do noso cole hai varios tipos de árbores. Entre elas piñeiros, unha cerdeira, un loureiro, unha figueira, unha oliveira, un castiñeiro, unha nogueira, varias maceiras e unha laranxeira. De todo iso falaron, en inglés, os nenos e nenas de 3º de Primaria con Shareen, a nosa auxiliar de conversa. Tamén observaron e procuraron información sobre as características de cada árbore.
