Xa temos unha nogueira na aula de 1° de Primaria!! Parabéns!!

As nogueiras son árbores de folla caduca que poden chegar ata 40 metros de altura. Para medrar ben necesitan moita luz solar e estar protexidas do vento.

Os nenos e nenas de 1º de Primaria limparon as herbas do horto escolar e prepararon a terra para plantar. Despois sementaron repolos, cenorias, brócoli e grelos.

Os nenos e nenas de 4° de Primaria observan e falan en inglés sobre diferentes plantas, propias deste tempada, na clase de Arts and Crafts. Pensamentos, violas e ciclamens. 

Cando o tempo meteorolóxico o permita serán plantadas no patio do cole.

As noces son froitos que nacen das flores da nogueira no outono. Os nenos e nenas de 1° de Primaria saben que agora é o tempo de sementalas.

Os nenos e nenas de 1º de Primaria preparan a terra coa súa profe para sementar.

O curso acaba de comezar e os nenos e nenas do cole de Olveira  preparan novas sementes para plantar. Pero antes recollerán tomates e pementos a fartar!!

Durante este curso os alumnos e alumnas do cole de Olveira realizaron actividades diversas, na escola e no entorno natural, relacionadas co respecto e o coidado do medio ambiente. E, por suposto, dun xeito dinámico e transversal buscando a implicación de toda a comunidade educativa. E levando á práctica, na vida cotiá, a necesidade  do aforro de enerxía e o consumo sostíbel. E tamén a redución do lixo e a grande importancia da súa reciclaxe, como vimos facendo en cursos anteriores.
Vémonos en setembro con novos proxectos e ilusións!! Feliz verán a tod@s!!