O 3 de marzo foi o Día da Natureza e hoxe é o Dia da Árbore. Os nenos e nenas de Infantil celebran cada día a importancia do estudo, observación e coidado do entorno natural coa súa mestra. Este mes seguen co seu proxecto de investigación OS INSECTOS, observan como agroman con forza os tulipáns e xacintos, que plantaron hai unhas semanas, e coidan as árbores do seu patio escolar.
O alumnado de 5° de Primaria elaborou coa sua mestra un mural moi ilustrativo sobre a observación e o estudo das plantas da contorna.
O alumnado de 6° de Primaria aproveitou a clase de Ciencias da Natureza para transplantar unha nogueira no horto escolar. Tamén falaron das súas características e da importancia desta árbore.
Ao mesmo tempo sementaron leitugas e cenorias valorando a importancia das hortalizas e das verduras para unha alimentación saudábel.
Aproveitando os gromos das plantas do curso anterior, o alumnado de 2° de Primaria sementou amorodos coa súa mestra.
Nas vindeiras semanas observarán como abrollan estes froitos deliciosos.
As nenas e os nenos de 4° de Primaria souberon de primeira man que as acelgas non nacen no supermercado.
Na área de Ciencias da Natureza tiveron unha clase práctica no horto escolar sobre todo o proceso de plantación e do beneficiosas que eran as verduras para medrar moito.
Oliveiras, maceiras, pereiras, cerdeiras, moreiras, nogueiras e acivros medran no patio do noso cole.
Todas elas foron plantadas o curso anterior polo alumnado de diferentes cursos cos seus mestres e mestras.
Nesta estación do ano podemos observar con claridade cales son de folla caduca e perenne.
Aproveitando o sol de febreiro, as nenas e os nenos de 6° de Infantil plantaron bulbos de xacinto coa súa mestra no patio do cole.
Hai uns días os nenos e nenas de 2° de Primaria plantaron patacas e sementaron leituga no horto escolar.
Tamén conversaron en inglés coa auxiliar de conversa sobre todo o proceso relacionándoo cun conto titulado “Poppy’s pot”, traballado previamente na Área de Inglés.
Na biblioteca do noso cole hai varios libros sobre as fragas, as plantas e as árbores da nosa terra.
Achégate!!
Despois de traballar o tema das plantas na aula, chegou a hora de poñerse mans á obra. O alumnado de 3º de EP saíu ao horto para experimentar, en primeira persoa, como se prepara un bancal para sementar.
Manolo e Johanna, da Asociación Sachos á Rúa, explicáronlle a importancia de cada un dos compoñentes que se engade á terra, e fixéronos participar activamente en todo o proceso. Ao final, sementamos patacas!!
Bo traballo rapazada!!
