O pasado venres o alumnado de 6º de Infantil e de 1º de Primaria sementou ravos (rábanos) e porros (puerros) no horto escolar, despois de escoitar con moito interese as explicacións de Manolo, da Asociación “Sachos á rúa”. Faloulles da plantación de hortalizas e da súa importancia na nosa alimentación diaria.
Unha actividade de plástica e reciclaxe, con botellas de plástico, feita polo alumnado de 1º de Primaria coa súa mestra. Despois de descoralas sementaron bulbos de xacintos en auga. E non se esqueceron de regar o ciclamino que coidan todos os días.
Os nenos e nenas de 6º de Primaria escoitaron con moita atención a Manolo da Asociación “Sachos á rúa” o venres pasado. Explicoulles o importante que era coidar a nosa natureza e como preparar un horto escolar para plantar hortalizas. Faloulles tamén da importancia destes alimentos na nosa vida diaria.
Os pensamentos son plantas, da familia das violáceas, propias no outono e no inverno. Nelas agroman flores moi vistosas con cinco pétalos de tres cores. Os nenos e as nenas de 2º de Primaria plantáronas coa súa mestra o pasado mes de decembro.
Para o seu crecemento necesitan moita luz natural e ser regadas cada tres ou catro días.
Xornada de Limpeza de praias “Por un Nadal sen Plásticos” do alumnado de Olveira, logo fixeron un Obradoiro para reutilizar e transformar o lixo encontrado…
Gracias á ANPA de Olveira por organizar estás xornadas!!
Os nenos e nenas de 1° curso de Primaria coidan e observan coa súa mestra ao insecto pau e ás súas crías.
As nenas e nenos de EI 6° sementaron moreiras coa súa mestra no patio do cole. Observaron e participaron en todo o proceso vendo o que era necesario para a plantación
Agora toca coidalas para que medren!
O pexegueiro que sementaron os nenos e nenas de 2º de Primaria coa súa mestra segue medrando.
Esta árbore é nativa de China, onde se cultivou por vez primeira. O seu froito, o pexego, é comestíbel e moi saboroso.
Grazas á colaboración dunha familia os nenos e nenas de 1º de Primaria observaron estes días insectos pau de diferentes tamaños.
Viron a súa escasa mobilidade e como se mestura co medio para pasar desapercibido.
Coa súa mestra aprenderon moitas cousas deste animal invertebrado, de aparencia a unha rama, que se alimenta de follas de silvas ou roseiras.
O alumnado de 6° de Primaria procura información e fala, na área de inglés, sobre o que podemos facer para aforrar enerxía, na escola e nas nosas casas.
