Á volta do Nadal o alumnado de 6° P  puido observar, de primeira man, o crecemento de diferentes tipos de hortalizas no horto escolar. Tamén  limparon as herbas, prepararon a terra e plantaron patacas de cedo.

O alumnado de 3° de Primaria, e a súa mestra, agasallan a Manolo da Asociación “Sachos á Rua”, cuns bombóns por todo o que aprenderon neste trimestre no horto escolar. E os nenos e nenas de EI 4° falan con Shareen, a nosa auxiliar de conversa , das cores e dos adornos da nosa árbore de Nadal en inglés.

Boas Festas e Feliz 2025!!

O alumnado de 1ºEP comezaron o seu traballo no horto plantando repolos e cebolas. Tamén coñeceron de primeira man o “pulgón” que estaba a atacar aos fabóns, e puxéronlle freo.

Bo traballo, rapazada!!

As caléndulas son plantas herbáceas que poden acadar uns sesenta centímetros de altura. As súas follas son lanceoladas e as flores teñen cor amarela ou laranxa.

Son plantas que favorecen a polinización e o equilibrio nos hortos, repelendo insectos perxudiciais para as hortalizas como a mosca branca.

O alumnado de 4° de Primaria plantou unhas pouquiñas a semana pasada.

Os nenos e nenas de 4° de Primaria plantaron un abeto para decoralo, entre todos, con adornos de Nadal.

Esta árbore é da familia das pináceas, propia de lugares frescos, coa casca e a madeira de cor abrancazada, follas en forma de agulla e copa cónica. 

Despois das vacacións transplantarase no patio do cole.

Os nenos e nenas de EI 5° e de 2° de Primaria plantaron fabóns e cebolas no horto escolar. Tamén limparon herbas para plantar mais hortalizas.

Preparar ben a terra é algo moi importante para a plantación e o crecemento das sementes. Iso foi o que fixeron os nenos e nenas de 5° de Primaria hai uns días.

O alumnado de 4° e 5° de Primaria participou nunha charla o venres pasado, organizada polo Concello de Ribeira, sobre a prevención de residuos. Escoitaron de primeira man información experta sobre como reducir e tratar o lixo.

Os nenos e nenas de 4° de Primaria tiveron unha clase práctica na aula sobre a composición do solo e a importancia dos microorganismos na plantación.

Sementes de cebola vermella, repolo e chícharos. Isto foi o que sementaron os nenos e nenas de 6° de Infantil, prestando moita atención ás explicacións de Manolo, da “Asociación Sachos á Rúa”.