Os nenos e nenas de EI 4° plantaron fabas e cabazas na súa aula.

Agora medran e medran á beira da xanela.

No patio do noso cole hai varios tipos de árbores. Entre elas piñeiros, unha cerdeira, un loureiro, unha figueira, unha oliveira, un castiñeiro, unha nogueira, varias maceiras e unha laranxeira. De todo iso falaron, en inglés, os nenos e nenas de 3º de Primaria con Shareen, a nosa auxiliar de conversa. Tamén observaron e procuraron información sobre as características de cada árbore.

O alumnado de 2° P e de EI 4° regando, o pasado venres, a laranxeira que se plantou o Día da Árbore no patio do cole.

O alumnado de 4° de Primaria tamén viu de primeira man como preparar a terra,  dunha maneira ecolóxica, para plantar patacas e hortalizas.

Hoxe o alumnado do CEIP de Olveira conmemorou o Día da Árbore coa plantación dun laranxeiro, coa sempre imprescindible axuda de Manolo e Johanna de “Sachos á rúa”. Moitas grazas, rapazada, xa temos unha nova árbore no noso patio!!

O alumnado de 1º de EP sementando e regando as cenorias con moita ilusión!

Bo traballo, rapazada!

Os nenos e nenas de 3° de Primaria levaron á práctica como xestionar un horto ecolóxico.

E valoraron a importancia de nutrir a terra sen fertilizantes químicos.  

Desta vez plantaron patacas participando dunha maneira activa en todo o proceso e escoitando con moita atención as explicacións de Manolo, da Asociación “Sachos á rúa“

O alumnado de 5° de Infantil e 2° de Primaria no horto escolar coas súas mestras. 

Todos os nenos e nenas puideron poñer en práctica tarefas de observación, limpeza e coidado das hortalizas.  Tamén plantaron fabóns e cebolas.

Os nenos e nenas de 3° de Primaria limparon a terra e as herbas das plantas de amorodo que plantaran o curso anterior coa súa mestra.  Amais escolleron os fillos nas mesmas plantas e aprenderon a trasplantalos.

Despois plantaron unha clase diferente de amorodos que recibiran como agasallo da nai dunha alumna: os amorodos brancos. 

O abeto de Nadal xa está medrando no patio do cole. Os nenos e nenas de 1° de Primaria transplantárono hai uns días,  atendendo moi ben ás explicacións de Manolo e Johanna, da Asociación “Sachos á rua”.