Xornada de Limpeza de praias “Por un Nadal sen Plásticos” do alumnado de Olveira, logo fixeron un Obradoiro para reutilizar e transformar o lixo encontrado…
Gracias á ANPA de Olveira por organizar estás xornadas!!
Os nenos e nenas de 1° curso de Primaria coidan e observan coa súa mestra ao insecto pau e ás súas crías.
As nenas e nenos de EI 6° sementaron moreiras coa súa mestra no patio do cole. Observaron e participaron en todo o proceso vendo o que era necesario para a plantación
Agora toca coidalas para que medren!
O pexegueiro que sementaron os nenos e nenas de 2º de Primaria coa súa mestra segue medrando.
Esta árbore é nativa de China, onde se cultivou por vez primeira. O seu froito, o pexego, é comestíbel e moi saboroso.
Grazas á colaboración dunha familia os nenos e nenas de 1º de Primaria observaron estes días insectos pau de diferentes tamaños.
Viron a súa escasa mobilidade e como se mestura co medio para pasar desapercibido.
Coa súa mestra aprenderon moitas cousas deste animal invertebrado, de aparencia a unha rama, que se alimenta de follas de silvas ou roseiras.
O alumnado de 6° de Primaria procura información e fala, na área de inglés, sobre o que podemos facer para aforrar enerxía, na escola e nas nosas casas.
O alumnado de 3º EP, dentro da área de Ciencias da Natureza, comezou o experimento de facer xerminar varias sementes de aguacate.
A idea é que, neste proceso, experimenten as tres funcións vitais que tódolos seres vivos facemos: reprodución, nutrición e relación; e sexa un complemento ao traballo realizado na aula.
Os nenos e nenas de 2º de Primaria merendaron amorodos e mazás que están a madurar nas maceiras e nas amorodeiras do noso cole.
As maceiras e as plantas de amorodos foran sementadas polo alumnado de diferentes cursos a pasada primavera.
E xa estamos de volta con novos proxectos para o curso que acaba de comezar. As nenas e os nenos de 2º de Primaria fixeron tarefas de coidado e limpeza no seu horto escolar. E puideron observar de primeira man canto medrara o pexegueiro durante o verán.
Durante este curso todo o alumnado do cole de Olveira, xunto co profesorado, realizamos moitas actividades relacionadas co coidado e a protección da natureza. Plantamos pementos, grelos, cenorias, cabazas e fabóns no horto escolar. Tamén fresas en macetas grandes e pequenas. Plantamos, observamos e coidamos moitas árbores froiteiras como nogueiras, maceiras, pereiras e oliveiras. Asemade reflexionamos e falamos sobre accións da nosa vida cotiá que contribúen ao coidado e respecto do medio ambiente, a un consumo sostíbel e ao aforro de enerxía. Fixemos murais informativos e tamén saídas ao Parque Natural, observando de primeira man os danos do refugallo abandonado na praia da Ladeira.
Agradecer dende aquí a colaboración das familias con diferentes actividades, como a plantación de árbores autóctonas, e desexarvos a todos e a todas un bo verán.
Vémonos en setembro!!
