O alumnado de 6º de EP plantou esta mañá un metrosidero no patio do colexio. Esperamos que medre tanto coma eles.

No CEIP de OLVEIRA utilizamos varios materiais de refugallo para practicar diversos deportes en Educación Física. O primeiro que vos queremos amosar é o BOTLEBOL, un deporte alternativo de cancha dividida que se practica con botellas de suavizante.

Para máis info visita o noso PREZI.

Os nenos e nenas de 5° de Educación Infantil elaboran maracas coa profe de Música usando material de refugallo.

A tomateira é orixinaria de América Central e do Sur. Chegou a Europa hai máis de catrocentos anos. Esta planta herbácea e perenne cultívase para o consumo alimentario do seu froito: o tomate. Non é moi esixente no seu cultivo aínda que a luz solar é moi importante para o seu crecemento.
Os nenos e nenas de 2º de Primaria plantan, coidan e observan o crecemento das tomateiras.

“Bellis perennis” é o nome científico da margarida común ou europea. É unha planta herbácea orixinaria do Norte de África e de Asia Central que na actualidade está estendida por todo o mundo.
Os alumnos e alumnas de 6º de Primaria observan, estudan e coidan as margaridas plantadas no patio do cole. Tamén están preparando o terreo para plantar máis margaridas e outras plantas nos vindeiros días.

O perexil é unha planta herbácea, coas follas moi divididas, de cor verde escura e flores amareladas en umbela. Distribúese por todo o mundo e emprégase como condimento en moitas comidas.
O seu nome científico é “petroselinum crispum”.Nesta imaxe algunhas nenas de 1º de Primaria amosan como medra o perexil que sementaron coa súa titora na aula.

Alumnas e alumnos de 2º de Primaria plantan tomateiras na súa  aula coa súa titora.

Os bulbos de xacinto plantados en auga, antes de Nadal, polos alumnos e alumnas de 3º  de Primaria medraron moito. Pronto serán transplantados en terra.

Coidado e observación do crecemento de diferentes tipos de sementes (pipas de cabaza e xirasol, pementos morróns, xudías)  polos alumnos e alumnas de 4° de Primaria.

Nenos e nenas de EI 4° amosan á súa titora canto creceron os bulbos de xacinto plantados, en auga e en terra, no mes de decembro.