Os alumnos e alumnas de 4º de Primaria falaron en inglés coa súa profe sobre as árbores e as flores que se plantaron no patio da escola e sobre como debemos coidalas cada día. Tamén regaron e plantaron sementes de margaridas.

Os nenos e nenas de 2º de Primaria observan, coidan e regan os tulipáns plantados nas semanas anteriores.
Os tulipáns son plantas bulbosas e perennes orixinarias de Oriente Medio. Na actualidade hai centos de especies e plántanse en moitas partes do mundo.

Os alumnos e alumnas de 5º de Primaria plantaron co seu titor maceiras e outras árbores froiteiras no patio da escola.

Na área de Inglés os nenos e nenas de 2° de Primaria sairon ao patio para observar e regar sementes de leituga e cebola. Falaron coa profe do importante que era coidar as plantas familiarizándose con vocabulario básico en inglés.

Os nenos e nenas de 5º de Educación Infantil fixeron coa súa profe o cultivo de plantas suculentas en auga.

Os alumnos e alumnas de 5° de Primaria regan e coidan os narcisos plantados no patio.
Os narcisos (Narcissus) son plantas bulbosas da familia das amirilidáceas, da que existen distintas especies con follas radicais estreitas e flores moi aromáticas, brancas ou amarelas, con forma de tubo. A maioría delas son orixinarias da zona Mediterránea aínda que tamén se cultivan noutros lugares como en Asia Central e China.

Os nenos e nenas de 4° de Primaria sementan bulbos de tulipán para transplantar máis adiante no patio da escola.

Os alumnos e alumnas de 1°, 2° e 3° de Primaria sementarán nos vindeiros días diferentes plantas aromáticas.

Os nenos e nenas de 2º P plantaron e observaron, na súa aula, a xerminación de lentellas, garbanzos e fabas en algodón e auga. Posteriormente transplantaron as sementes nas súas casas para observar o proceso completo, atendendo aos contidos traballados na área de Ciencias da Natureza. Tamén sementaron bulbos de xacinto, en auga e en terra, observando todo o proceso ata a floración.