SUPERCOLEONDAS EN REDE ESPORA

Co gallo do Día Mundial da Radio, Rede Espora fixo un chamamento ás radios escolares para confeccionar un programa conxunto no que se buscara concienciar sobre a importancia de contrastar as novas que nos chegan, e non compartir todo o que nos chega por diferentes canles sen comprobar a súa orixe e veracidade.

Aquí vos deixamos o programa completo con tódolos centros participantes.

DEICA O CURSO QUE VEN

Este foi un curso ‘moi raro’, aínda así, fomos quen de seguir co noso percorrido radiofónico, sen presas, sen pausas, traballando pouquiño a pouquiño como fan as formiguiñas.

Rematamos o noso obradoiro de radio, quedan catro pinceladas, pero xa está completamente operativo e fomos quen de gravar en ‘falso directo’ sen producións, edicións ou retoques posteriores.

O vindeiro curso, aquí estaremos, esperando esas mentes abertas, eses sorrisos escondidos e esas ganas de… RADIO!!!

Que pasedes un bo verán!!!

SEMANA DA PRENSA (08-12 Marzo) | Noticiario

Para celebrar a semana da prensa, varios dos rapaces e rapazas de 5º de EP estiveron a traballar nun noticiario, a partir de novas reais do xornal fixeron a súa propia adaptación radiofónico. Aquí tedes o resultado!

————————————
NOTA SOBRE OS DEREITOS DE AUTOR

AUDIO DE FONDO
Ben Briggs, Splatoon Remix – Stay Fresh! (Squid Sisters News), en soundcloud.com, licenza CC BY 3.0

IMAXEN
benjaminhartwich, Radio, en pixabay.com, licenza Pixabay License

OBRAS: Construíndo o laboratorio de Radio

Está claro que esta ‘pandemia’ paralizou moitísimas cousas, moitas delas superimportantes, e que seguro que vai levar aínda algún tempo botar á andar novamente.

A nós o COVID-19 paralizounos a obra do noso laboratorio de radio. Levábamos tempo traballando nel para intentar telo rematado para o final do curso, pero agora parece que non vai ser posible.

Aquí vos deixamos unhas imaxes para que vexades como vai quedando e seguro que, máis pronto que tarde, imos poder amosarvos o traballo rematado.

Temos máis ilusión que nunca de retomar a nosa actividade e continuar co proxecto SUPERCOLEONDAS para levalo ao seguinte nivel.

Unha aperta a todas/os, coidádevos moito e sede felices!